കേരള മാനേജ്‌മെന്റ് അസോസിയേഷന്‍ വാര്‍ഷിക ദിനാഘോഷവും അവാര്‍ഡ് നിശയും എറണാകുളം ലെ മെറിഡിയന്‍ കണ്‍വന്‍ഷന്‍ സെന്ററില്‍ നടന്നു. മാനേജ്‌മെന്റ് തലത്തില്‍ മികച്ച പ്രകടനം കാഴ്ചവച്ച വ്യക്തികള്‍ക്കും സ്ഥാപനങ്ങള്‍ക്കും അവാര്‍ഡുകള്‍ നല്‍കി.

ചടങ്ങില്‍ വിദ്യാഭ്യാസമന്ത്രി പ്രൊഫ. സി. രവീന്ദ്രനാഥ് മുഖ്യാതിഥിയായിരുന്നു. മാനേജ്‌മെന്റ് പരിശീലകന്‍ ശിവ് ഖേര മുഖ്യപ്രഭാഷണം നടത്തി. കൊച്ചി കപ്പല്‍ശാല മുന്‍ സി.എം.ഡി കമഡോര്‍ കെ സുബ്രഹ്മണ്യത്തിന് മാനേജ്‌മെന്റ് ലീഡര്‍ഷിപ്പ് അവാര്‍ഡും ജി. വിജയരാഘവന് ഐ.ടി ലീഡര്‍ഷിപ്പ് അവാര്‍ഡും ബി.എന്‍.പി പരിബാസ് ഫിനാന്‍ഷ്യല്‍ സെക്യൂരിറ്റീസ് എക്‌സിക്യൂട്ടീവ് ഡയറക്ടര്‍ സതീഷ് മേനോന് മാനേജര്‍ ഓഫ് ദി ഇയര്‍ അവാര്‍ഡും സമ്മാനിച്ചു.

യങ് മാനേജേഴ്‌സ് മത്സരത്തില്‍ ഒന്നും രണ്ടും മൂന്നും സ്ഥാനം കൊഗ്‌നിസന്റ് ടെക്‌നോളജി സൊല്യൂഷന്‍സ് ഇന്ത്യ, കൊച്ചി കപ്പല്‍നിര്‍മാണശാല, സിന്തെറ്റ് ഇന്‍ഡസ്ട്രീസ് എന്നിവര്‍ക്ക് നല്‍കി. മികച്ച ബിസിനസ് പ്ലാനിനുള്ള പുരസ്‌കാരം കുസാറ്റ് സ്‌കൂള്‍ ഓഫ് മാനേജുമെന്റ് സ്റ്റഡീസിനും മികച്ച മാനേജുമെന്റ് വിദ്യാര്‍ഥിക്കുള്ള പുരസ്‌കാരം അരുണ്‍ വര്‍ഗീസിനും സമ്മാനിച്ചു.